கிரிக்கெட்
விஜயம் மேற்கொண்டு இலங்கை வந்துள்ள பாகிஸ்தான், இலங்கை அணிகளுக்கு
இடையிலான முதலாவது டெஸ்ட் கிரிக்கெட் போட்டி காலியில் இன்று
ஆரம்பமாகவுள்ளது.இதுவரையில் இரு நாடுகளுக்கு இடையில் 46 டெஸ்ட் போட்டிகள் நடைபெற்றுள்ளதுடன், அவற்றுள் 17 போட்டிகளில் பாகிஸ்தான் வெற்றியீட்டியுள்ளதோடு, இலங்கை 11 போட்டிகளில் வெற்றி பெற்றுள்ளது.
இதேவேளை இலங்கையின் சிரேஷ்ட வீரரும் சிறந்த டெஸ்ட் கிரிக்கெட் வீரருமான மஹேல ஜயவர்தன பங்கேற்கும் இறுதி டெஸ்ட் தொடர் இதுவென்பதும் குறிப்பிடத்தக்கது.
இதேவேளை, நாணய சுழற்சியில் வெற்றிபெற்ற பாகிஸ்தான் அணி முதலில் துடுப்பெடுத்தாட தீர்மானித்துள்ளது, காலியில் நேற்றிரவு பெய்த கடும் மழை காரணமாக போட்டி சற்று தாமதமாகவே ஆரம்பமாகவுள்ளமை குறிப்பிடத்தக்கது.
