பொத்துவில் பகுதியில் இடம்பெற்ற வாகன விபத்தில் ஒருவர் உயிரிழப்பு

பொத்துவில், கோமாரி பகுதியில் இடம்பெற்ற வாகன விபத்தில் ஒருவர் உயிரிழந்துள்ளார்.

பொத்துவில் – கோமாரி முதலாம் பிரிவு பிரதான வீதியில், மோட்டார் சைக்கிள் மற்றும் சிறிய ரக லொறி ஆகியன நேற்று மாலை மோதி விபத்திற்குள்ளாகியுள்ளன.

கோமாரி ரொட்டை பகுதியைச் சேர்ந்த 26 வயதான ஒருவரே விபத்தில் உயிரிழந்துள்ளார்.

உயிரிழந்தவரின் சடலம் கோமாரி வைத்தியசாலையில் வைக்கப்பட்டுள்ளது.

விபத்து தொடர்பில் பொத்துவில் பொலிஸார் மேலதிக விசாரணைகளை மேற்கொண்டு வருகின்றனர்.