11 ஆண்களை திருமணம் செய்து ஏமாற்றிய மோசடி ராணி கைது பரபரப்பு தகவல்

11 ஆண்களை திருமணம் செய்து ஏமாற்றிய மோசடி ராணியை போலீசார் கைது செய்தனர்.

இந்தி படமான ”டோலி கி டோலி”  படத்தில் நடிகை சோனம் கபூர் தொடர்ந்து ஆண்களை ஆசை காட்டி ஏமாற்றும் பெண்ணாக நடித்திருப்பார். அதே பாணியில் அரியானா மாநிலம் நொய்டாவில் இது போன்ற சம்பவம் நடந்துள்ளது.

கேரள மாநிலத்தை சேர்ந்தவர் மேகா பார்கவ் (வயது 28) . இவர் பல்வேறு திருமண இணையதளங்களில் பதிவு செய்து கொண்டு இதுவரை 11 ஆண்களை திருமணம் செய்து அவர்களிடம் உள்ள தங்கம்,வெள்ளி,பணம் போன்றவற்றை ஏமாற்றி கொண்டு ஊரை விட்டு ஓடிவிடுவது இவரது பழக்கமாக இருந்து வந்தது.

இவரது வலையில் கேரளா, மும்பை, புனே, ராஜஸ்தான் மற்றும் இந்தூர், நொய்டா ஆகிய மாநிலங்களை சேர்ந்தவர்கள் விழுந்துள்ளனர்.

இது தொடர்பாக பாதிக்கப்பட்ட நபர்களில் 4 பேர் போலீசாரிடம் புகார் அளித்தனர். அப்போது இதுகுறித்து விரிவான விசாரணை நடத்திய போலீசார் மோசடி ராணி நொய்டாவில் பதுங்கி இருப்பதாக ரகசிய தகவல் கிடைத்தனின் பேரில் மேகா பார்கவ்வை சுற்றி வளைத்து கைது செய்தனர்.

அவருக்கு உடந்தையாக இருந்த அவரது சகோதரி மற்றும் சகோதரியின் கணவர் ஆகியோரை போலீசார் கைது செய்துள்ளனர். இது தொடர்பாக போலீசார் அவரிடம் விரிவான விசாரணை நடத்தி வருகின்றனர்.

ஒரு பெண் 11 ஆண்களை திருமணம் செய்து ஏமாற்றியது பெரும் அதிர்ச்சியை ஏற்படுத்தி உள்ளது.